Mas uminit ang isyu sa pagitan nina Andrea Brillantes at Kathryn Bernardo nang nag-unfollow na rin si Andrea sa Instagram ni Kathryn.

Nagsimula ang isyu nang madiskubre ng mga netizen ang biglaang pag-unfollow ni Kathryn sa Instagram sa kapwa niya Kapamilya actress na si Andrea.

Nangyari ito sa gitna ng usap-usapang naghiwalay at nagkakalabuan na diumano ang Kathniel (Kathryn Bernardo at Daniel Padilla), at isa si Andrea Brillantes sa dahilan.

Matatandaan na noong November 8, 2023, naglabas ng rebelasyon si Ogie Diaz sa kanyang YouTube vlog tungkol sa umano’y hiwalayan ng celebrity couple.

Dito inihayag ni Ogie na ayaw daw makatrabaho ni Kathryn si Andrea at isa ito sa dahilan ng pagkakalabuan ng magkasintahan dahil ayon daw sa source niya ay nali-link si Daniel kay Andrea at palihim na nagkikita ang dalawa.

Pero nagbigay naman ng disclaimer si Ogie at nilinaw na hindi ito confirmed at sinabi lang daw sa kaniya ng kaniyang source.

Dahil sa nangyaring pag-unfollow ng dalawang aktres sa isa’t isa, mas tumibay ang espekulasyon ng mga netizen tungkol sa ibinalita ni Ogie na may isyung namamagitan sa tatlo.

“Naka follow pa sya kahapon ngayon nag unfollow na din. I THINK TRUE ANG CHIKABELS. Pinupursege na siguro ni Daniel si Andrea for months na,” komento ng isang netizen.

“Pero still, I would unfollow too for getting blame from their break up especially u have nothing got to do with it!,” dagdag ng isa pa.

“karla unfollowed blythe also but magui and lelay (dj’s sisters) follows blythe ????,” pahayag naman ng isa pang netizen.

Sa kabilang banda, nanatili namang nakafollow si Andrea Brillantes at Kathryn Bernardo kay Daniel Padilla.

Photo: Kathryn Bernardo IG, Andrea Brillantes IG