Ano nga ba ang naging dahilan ng pagkatalo ni Rabiya Mateo?

Yan ang tanong ngayon ng karamihan sa katatapos na Miss Universe 2020 pageant.

Nakapanayam ng Arkipelago News ang respetadong pageant analyst na si Adam Genato at ibinahagi niya sa amin ang kanyang opinyon.

Para kay Adam, isa lang ang dahilan ng pagkatalo ni Rabiya- ang kanyang performance sa swimsuit competition.

Tila ninenerbiyos daw kasi si Rabiya Mateo nang humarap siya sa swimsuit round ng pageant. Kabaligtaran daw ito sa ipinamalas ni Rabiya sa preliminary competition.

“It was so evident on her swimsuit walk earlier. Her nerves got the best of her onstage. I don’t know if she was second thinking herself but her walk during the swimsuit round wasn’t as powerful and commanding as we had seen on her swimsuit turn during the preliminary competition a few days ago,” paliwanag ni Genato.

Napakaimportante raw ng swimsuit competition dahil ito ang first round ng pageant. Anumang pagkukulang o pagkakamali sa round na ito ay maaari raw ikatalo ng isang kandidata. Ang mga Latina raw ang nangibabaw sa labanan sa swimsuit.

Pero bakit kaya tila kinabog ang didbdib ng ating pambato?

Ayon kay Adam, maaaring kinabahan si Rabiya Mateo dahil naramdaman niya ang matinding pressure na nagmumula sa publikong umaasang mananalo siya.

“Every year, the pressure for our Miss Universe delegates gets bigger and more intense knowing how both Pia and Catriona set the bar so high for us in the last few years. So, imagine the huge expectation of a lot of pageant fans on our succeeding candidates, the pressure is intense,” ayon pa kay Adam.

Ganunpaman, ipinagmamalaki pa rin daw ni Adam ang mga napagtagumpayan ni Rabiya ngayong taon. Dapat pa rin daw tayong maging proud sa kanyang ipinakitang galling.

“I am still proud of what Rabiya has accomplished in the pageant. She was able to continue or maintain our winning streak in Miss Universe. She makes it 11th for our country since Venus Raj in 2010,” pagwawakas ni Adam.?

Photo courtesy of Rabiya Mateo FB page