Sa wakas nameet na rin ng mga FILO Blinks ang best girl group na BLACKPINK sa Philippine Arena nitong March 25 at 26. Apat na taon na ang nakalipas mula nang magconcert sila sa bansa, kaya naman namiss talaga ng mga fans ang grupo. Marami rin ang nadagdag sa mga tagahanga nila dahil sa mga bagong release na kanta at nagkaroon pa ng solo album ang bawat isa. Sold-out ang lahat ng tickets at naging matagumpay ang dalawang araw na concert.

Hindi naman nagpahuli ang ilang Filipino celebrities na “hardcore fans” din ng BLACKPINK.

Alexa Ilacad

Bago pa mag-concert ang Blackpink, nag-story na si Alexa sa kanyang Instagram account at nagsabing naghahanda na siya para rito.

“Present! See you, Blackpink!,”aniya.

Nang matapos naman ang concert, muli siyang nag-story ng mga litrato na siya mismo ang kumuha. Kabilang na rito ang larawan ng bawat isang miyembro ng grupo. Ito raw ang kaniyang “happiest girl” moment dahil naka-attend siya sa unang araw ng concert.

Kim Chiu

Hindi nagpatalo ang chinita princess na si Kim Chiu at nag-upload pa siya ng kaniyang vlog tungkol sa karanasan niya sa BORNPINK concert sa Pilipinas noong 2019 at ngayong taon, at sa Atlanta, USA noong November, 2022.

Ricci Rivero at Andrea Brillantes

Sana all moments ang naganap sa couple na si Ricci Rivero at Andrea Brillantes matapos silang mapansin ng Blackpink. May dala-dalang banner si Andrea at nakasulat doon ang kanyang proposal sa kaniyang nobyo na maging partner sa nalalapit na Star Magical Prom.

Binasa ito ng lead vocalist na si Rose at pinayuhan si Ricci na pumayag sa proposal “Please go to prom with that girl.”

Dahil dito trending na naman ang dalawa at binansagan ng mga netizens na “the best proposal ever”.

Jane De Leon at Janella Salvador #JaneNella

Sa isang Instagram post, ibinahagi ni Janella ang larawan nilang dalawa ni Jane na magkasama sa concert.

“Ahy may pa holding hands at hug,” ayon kay Janella.

Naging close ang dalawa dahil sila ang gumanap na Darna (Jane) at Valentina (Janella) sa iconic na Philippine superhero series na Darna.

Sanya Lopez at Kakai Bautista

Nag-fan girl era din ang Kapuso actress na si Sanya Lopez sa concert kasama si Kakai Bautista. Nagpakuha siya ng litrato sa malaking poster ng Blackpink suot ang wrinkled top at wilted denim shorts.

“basta alam kong umuwi akong masaya! i love you @blackpinkofficial ?,” caption niya sa kaniyang Instagram post.

Mimiyuuuh

Nagpost naman ang vlogger-model-comedian na si Mimiyuuuh ng kaniyang video na sumasabay sa pagkanta at pagsayaw ng Blackpink.

“Sobrang saya ko nitong araw na ‘to! Mahal na mahal namin kayo [Blackpink],” caption niya sa kaniyang post.

Zeinab Harake

Spotted din ang sensational vlogger-model at influencer na si Zeinab Harake at nagpost din siya sa kaniyang Instagram ng kaniyang mga litrato sa concert.

“Happy girl ???????? 03-25-23 #BlackPink,” pahayag niya.

Yskaela Fujimoto

Living the fangirl dream naman ang peg ng vlogger at Tiktok influencer na si Yskaela matapos niyang ipost sa Tiktok ang kaniyang video na tiningnan at nginitian siya ni Jisoo, Visual at Lead Vocalist ng Blackpink.

“people at school never look at me… but Jisoo did,” aniya.

Cassy Legaspi at Darren Espanto

Dumalo rin sa concert ang trending loveteam na “Cassren” na binubuo nina Cassy Legaspi at Darren Espanto

Sa Instagram story ni Cassy, proud siyang iwinagayway ang kaniyang lightstick.

Makikita rin sa kanyang post ang mga video clips ng concert pati na ang video na magkasama sila ni Darren Espanto papunta sa concert.

Family bonding naman para sa ilang celebrities at media personalities ang historic event dahil isinama pa nila ang kanilang mga anak sa concert.

John Prats at Isabel Oli

Present sa concert ang mag-asawang John Prats at Isabel Oli kasama ang kanilang anak na si Feather.

Nagpost pa si Isabel ng video sa Tiktok at ibinahagi nila ang kanilang experience mula sa pagpunta nila sa venue, mga pangyayari sa concert at hanggang sa kanilang pag-uwi.

“What an incredible night with my hubby @johnprats and daughter @featherprats at the @blackpinkofficial concert! ???? We laughed, sang, and enjoyed every bit of it ???? – such a special bonding experience that I’ll forever cherish. From laughter, music, and joy-filled memories, #Parenting never looked so good. If you’re looking for moments that will last a lifetime, share them with your family and friends.

Aaaand to #blackpink … we’re blown away! Your performance was spectacular. Passion and perfection – that’s what you showed us on stage. We can’t get over how inspiring and beautiful the performance was – so much talent and you are all sooo pretty!,” pahayag ni Isabel.

Aifha Medina

Isinama naman ng dating SexBomb girl na si Aifha Medina ang kaniyang anak na si Lia. Ibinahagi niya ang litrato ng bata na kuha sa venue ng Blackpink concert, at nilagyan niya ng caption na “My Jennie” na tumutukoy kay Jennie Kim, ang Face of the Group ng Blackpink. Napansin din agad ito ng mga netizen at nagsabi sila na may pagkakahawig si Lia kay Jenny.

Doug Kramer

Daddy mode naman si Doug Kramer dahil sinamahan niyang manood ang kaniyang mga anak na sina Kendra at Scarlett na solid fan ng grupo. Sa isang IG post, sinabi rin ni Doug na nasiyahan siya sa concert at naging Blink na rin daw siya.

“I came as a bodyguard, I came out entertained!

Wow! [Blackpink] are truly world class performers! Blink na ako!

Btw, my bias is [Rosé]! Jk @chekakramer!” pahayag niya.

Luigi Muhlach

Bitbit naman ni Luigi Muhlach ang anak niya na si Adi.

“Glad I was able to be with Adi during one of her most unforgettable moments,” pahayag niya sa kaniyang Instagram post.

Ginanap ang BORNPINK concert ng BLACKPINK noong March 25-26 sa Philippine Arena, sa Bocaue, Bulacan. Ito ang pangalawang global event ng grupo na naglalayong maipakilala at mapromote ang pangalawang Korean studio album nila na “Born Pink.” Nagsimula ang world tour ng grupo noong Oct. 2022 sa Seoul, South Korea at magtatapos ito sa June 17 sa Sydney, Australia. Binubuo ang grupo nina Rosé, Jennie, Lisa at Jisoo.