Kathryn Bernardo, may dalawang masugid na manliligaw sa kasalukuyan. Ibinahagi ni Ogie Diaz ang impormasyon na ito sa kanyang programang Ogie Diaz Showbiz Update sa Youtube.

Chika pa ni Ogie, ayon daw sa kanyang source, sinusuyo ang aktres ng dalawang hearthrob actor na sina Alden Richards at Jericho Rosales.

“According to my source sa kampo ni Kathryn, nanliligaw na nga itong si Alden kay Kathryn. Makikita naman daw sa kanilang body language. Ang sabi ng aking source ay nanliligaw din daw itong si Jericho Rosales kay Kathryn Bernardo,” pahayag ni Ogie.

Pero bukod dito, may iba pang nasagap na juicy news si Ogie — mas gusto raw o mas boto ang pamilya ni Kathryn kay Alden kaysa kay Jericho.

“Pero kung botohan at botohan daw, sa pamilya ni Kathryn, parang mas boto sila kay Alden,” dagdag pa niya.

Hindi naman sinabi ni Ogie kung ano ang naging basehan at dahilan kung bakit mas nagustuhan ng pamilya ni Kathryn si Alden.

📷Kapamilya Online World FB