Layag na layag na naman ang Team Filay sa twitter at nagtrending ang #FilayforJollibee na umani ng halos 16,000 tweets at retweets.

Ang tinaguriang “Hottest Loveteam of the Year” na Filay na binubuo ni Fidel (David Licauco) at Klay (Barbie Forteza) ay nagmula sa GMA Hit series na “Maria Clara at Ibarra.”

Nakilala ang serye dahil sa kakaibang plot nito. At dahil nalalapit na ang Valentines day, nagpatrend ng hashtag ang mga fans dahil nais nilang piliin ng Jollibee ang Filay para sa kanilang Valentines video special.

Ang ilan nga sa mga fans ay gumawa o nag-edit na ng sari-sarili nilang video galing sa mga eksena ng dalawa sa serye. May mga gumawa rin ng posters, fan arts, painting, at mga memes na makikita sa iba’t ibang social media sites lalo na sa Twitter at Tiktok.

Kwentong Jollibee Valentine’s Series (Fidel and Klay’s Version) @Jollibee
FILAY ForJollibee pic.twitter.com/PzinZEgvFT

— (inactive – read bio) mci supremacy 💙💛 (@filayendgame) January 21, 2023

"Pagtingin" a Jollibee Valentines Special x FiLay edit.

Cast them already @Jollibee

FILAY ForJollibee pic.twitter.com/8I3HdIU2OW

— joanna (@bnibiningjuana) January 21, 2023

“Imagine a Valentines special with Fidel and Klay in 1884 setting. Very iconic, indeed. The chemistry, the visuals. The material. Don’t miss the opportunity,@Jollibee,” tweet ng isang netizen.

“You know what would be cool? If Jollibee creates a limited-time meal for FiLay like the ALDub meal in 2015. Imagine if they make a drink based on the show too, i.e. ginger tea based on Fidel’s salabat ,” suhestiyon naman ng isa pang netizen.

Para naman makumbinsi ang fastfood giant, isang netizen naman ang humugot pa ng isang sikat na dialogue mula sa serye at ginamit niyang komento, “Pakiusap, Jollibee, dinggin niyo kami.”

Photo: GMA Facebook Page