Opisyal nang inilabas ng Star Cinema ang mga cast sa highly-anticipated movie ng taon, ang “An Inconvenient Love.”

Pagbibidahan ito ng tinaguriang “New Gen Phenomenal Love Team” na sina Donny Pangilinan at Belle Mariano.

Iikot ang istorya sa buhay ni Ayef (Belle) na gumaganap bilang isang convenience store staff na nangangarap na maging isang international animator. Ang kaniyang amo naman na si Manny (Donny) ay nagpapatakbo ng boutique plant shop sa umaga at social activist naman sa gabi. Pareho silang naniniwala na ang pag-ibig ay abala lang o “inconvenience” sa buhay kaya naman napagkasunduan nilang pasukin ang contractual love na may expiration date.

Magtatapos nga ba ang kanilang contractual love relationship sa expiration date nito o ito ang tatapos sa kanilang paniniwala? Yan ang dapat abangan ng mga manonood!

Graduating student ang leading lady na si Ayef (Belle Mariano), at nagtatrabaho siya ng part-time sa 24-Ever convenience store. Kasama niya sa trabaho sina Fetussa (Sheenly Gener), Kookie (Lana Bernardez), at Jobert (Adrian Lindayag).

Saan nga ba nakilala ang mga new stars na makakasama ng DonBelle sa pelikulang ito?

Si Sheenly Gener ay napanood sa MMFF 2020 Best Picture “Fan Girl”.

Naging parte naman si Lana ng 2019 horror film na “Hellcome Home” at Cinema One Originals “Metamorphosis”.

Kabilang naman si Adrian sa mga gumanap sa MMFF 2020 entry, “The Boy Foretold by the Stars” na nanguna noon sa takilya.

Makakasama naman ni Manny (Donny Pangilinan), sina Ben 1 (Krissy Achino) at Ben 2 (Brian Sy) sa pagpapatakbo ng kaniyang boutique plant shop business.

Top content ceator si Krissy Achino sa tunay na buhay at kinagigiliwan siya ng masa dahil sa kaniyang impersonations kay Queen of All Media, Kris Aquino. Ito ang dahilan kung bakit “Krissy” ang ginamit niyang screen name. Matatandaang lumabas na rin siya sa pelikula ni Vice Ganda na “Fantastica” noong 2018.

Gumanap naman si Brian Sy sa 2019 Black Sheep film na “Isa Pa with Feelings”.

Ang “An Inconvenient Love” ay mula sa direksyon ni Petersen Vargas at panulat nina Enrico Santos at Daisy Cayanan. Mapapanood ito sa mga sinehan sa November 3.

Photo: StarCinema Twitter