Pasabog ang ginawang interview ni Vice Ganda kay Andrea Brillantes sa kaniyang vlog kung saan blooming na blooming ang awra ng dalaga kahit na fresh from the break up sa basketbolistang si Ricci Rivero.

April 2022 naging mag-on ang dalawa nang mag-yes si Blythe sa public proposal ni Ricci sa isang basketball game.

Sa loob ng mahigit isang taon, aminado si Andrea na todo siya mainlove at bakla magmahal. Tatawa-tawa pa niyang inamin na may pagkakataong umabot sa milyon ang naibigay niyang regalo kay Ricci, at paniguradong ubos ang laman ng condo ng binata kung bawiin man ni Blythe ang kanyang mga naibigay.

Game na game ding sinagot ni Andrea ang tungkol cheating issue sa kanilang relasyon ni Ricci. Kayang-kaya raw niyang mang-confront ng third party kahit daw palaging sinasabi ng iba na possessive at controlling siya. Sa huli, madalas naman daw na tama ang mga hinala niya.

May advice din ang aktres tungkol sa mga issue ng third party, “mas yung boyfie mo ang pagalitan mo.” Kahit pa nakakalungkot sa part na never daw talagang aamin ang mga lalaki sa kanilang panloloko. At kung umamin man, kalahating kwento lang umano ang isisiwalat ng mga ito.

Dagdag pa niya, very much in love pa rin siya kay Rivero after ng kanilang break-up dahil date to marry talaga siya. Lahad pa niya, “kinaya kong lunukin ‘yung dapat ‘di ko na tanggapin.”

Sinabi rin ni Blythe na ang best way para maka-move on ay isipin ang mga bagay na nakakaturn off sa iyo.

“Ang dugyot kaya nito,” hirit ni Vice nang i-reveal ni Andrea na bakit mo iiyakan yung lalaki na hindi nagpapa-laundry for one year?!

Sa edad na bente, naniniwala si Andrea na everyone deserves the best, hindi rin niya isinasarado ang puso niya sa mga basketbolista pero hindi pa rin siya ready na pumasok muli sa isang relasyon.

Photo: Vice Ganda youtube