Masaya ang mga Kapuso employees habang pinapanood nila ang paghahanda ni Vice Ganda sa paglabas ng GMA Network building para sa kanyang song and dance number. Sa labas naman, makikita ang isang masayang dance performance. Tila fiesta ang atmosphere sa bakuran ng GMA.

Talagang pasabog ang unang araw ng It’s Showtime sa GTV ng GMA. Sa Facebook Live ng programa, mapapanood na mula sa ABS-CBN studio, sumakay si Vice Ganda sa helicopter para magpunta sa GMA headquarters sa Timog Avenue, Quezon City. Bumaba siya sa elevator at lumabas ng building.

Ayon sa GMA employee na nagpost, “Who would’ve thought magiging magka-trabaho rin ang magkaibang bakod? Ang saya! Wazzup madlang people! ???? Silver lining. No to network war.”

Mailalagay sa entertainment history ng bansa ang araw na ito, July 1, 2023 dahil ngayon ang unang araw ng paglabas ng TVJ (Tito, Vic, and Joey) sa TV 5 mula nang humiwalay sila sa TAPE Production. Katunggali pa rin nila sa 12nn time slot ang kanilang dati nang karibal na It’s Showtime na lumipat naman sa GTV ng GMA mula sa TV 5.

Ito rin ang unang araw na nagbanggaan ang TVJ at Eat Bulaga ng TAPE na nasa GMA pa rin pero iba na ang mga host.

Video: SP

Photo: Screengrab from It’s Showtime