Isang armadong drug suspek ang naaresto sa bayan ng Santa Maria nitong Biyernes at nakumpiska sa kanya ang P408,000 halaga ng pinaghihinalaang shabu.

Base sa ulat na nakarating kay Col. Relly Arnedo, Bulacan police director, kinilala angsuspek na si Raymond Bautista, isang mekaniko at naninirahan sa Guevara Compound, Sitio Pila, Luwasan, Barangay Catmon sa bayan ng Santa Maria.

Base sa inisyal na imbestigasyon, ang suspek ay isinailalim sa isang police entrapment sa Barangay Catmon bandang 1:30 ng hapon nitong June 23.

Matapos bentahan ng isang plastic sachet ng pinaghihinalaang shabu ang police undercover agent ay agad na inaresto ang suspek. Nakumpiska sa kanya ang limang plastic sachets ng pinaghihinalaang shabu na tumitimbang ng 60 gramo at may street value na P408,000; isang .45 kalibreng Charles Daly na baril na may serial number KB1-HB6, PA; isang magazine para sa .45 kalibreng baril na kargado ng anim na bala; isang weighing scale at isang itim na belt bag.

Photo: Bulacan Police Provincial Office