LUNGSOD NG MALOLOS – Nagsagawa kamakailan ng oryentasyon ang Provincial Social Welfare and Development Office (PSWDO) sa pakikipagtulungan sa Provincial Disaster Risk Reduction and Management Office (PDRRMO) at Provincial Health Office – Public Health (PHO-PH) para sa mga taong may kapansanan at mgasenior citizen.

Ito ay bahagi ng aktibidad para sa linggo ng National Disability Prevention and Rehabilitation na tinawag na ‘Basta Bulakenyo, Kahit may “K” OK!’ na ginanap sa The Pavilion sa Hiyas ng Bulacan Convention Center .

Kaugnay ng pagdiriwang ng National Disaster Resilience Month, pinangunahan ng PDRRMO ang oryentasyon sa layuning mapataas ang kamalayan at kaalaman ng mga nasavulnerable sectorsa paghahanda sa sakuna sa pamamagitan ng pagbibigay kaalaman sa kanila kung paano rumesponde at paano hihingi ng tulong sa panahon ng kalamidad gaya ng matinding pagbaha dulot ng bagyo, lindol, mga insidente ng sunog at iba pang mapanganib naemergency.

Dinaluhan ang nasabing aktibidad ng may 408 na mga opisyal at miyembro ng City at Municipal PWD Officers, Federation of Senior Citizens Associations of the Philippines (FSCAR) at Office for the Senior Citizens’ Affairs (OSCA) na siyang mga katuwang ng Pamahalaang Panlalawigan sa pagbibigay ng mga serbisyo ng pamahalaan sa mga komunidad.

Sinabi ni Gob. Daniel Fernando na ang pagiging kabahagi ng lahat, lalo na ng mga taong may kapansanan at nakatatandang populasyon dahil sila ang pinakanangangailangan ng tulong sa panahon ng krisis.

“Sa pagkilala sa kanilang mga hamon at aktibong pagtugon sa kanilang mga pangangailanganay hindi lamang magpapalakas sa kanilang kakayahan na harapin ang mga pagsubok sa panahon ng krisis kundi magtataguyod din ng mas makatao at inklusibong lipunan. Sa pagtutulungan, maaari nating maitayo ang isang mas ligtas at mas matatag na komunidad kung saan walang maiiwan, anuman ang edad o kakayahan,” anang gobernador.

Photo: Gov. Daniel Fernando FB