Isang mag-asawa na pinaniniwalaang big time na tulak ng shabu sa Bulacan at Metro Manila ang naaresto sa Quezon City nitong Lunes ng gabi, June 26.

Base sa ulat ng Philippine Drug Enforcement Agency (PDEA) sa Gitnang Luzon, nakilala ang mga suspek na maglive-in partner na sina Arnel Capulong at Neralyn Ocampo na pawang residente ng 045 Iba O Este, Calumpit, Bulacan matapos silang isailalim sa isang buy-bust operation sa paradahan ng mga sasakyan sa SM North Edsa sa Quezon City.

Nakumpiska sa mag-asawa ng pinagsamang operatiba ng PDEA at lokal na pulis ang 100 gramo ng pinaghihinalaang shabu na nagkakahalaga ng P680,000 at ang buy-bust money.

Photo: PDEA Central Luzon