KAMPO ALEJO SANTOS, Lungsod ng MALOLOS –Aabot sa P1.2 milyong halaga ng shabu ang nakumpiska sa tatlong naaresto na pinaghihinalaang tulak ng shabu sa Lungsod ng Baliwag nitong araw ng Miyerkules.

Base sa ulat na pinadala ni Col. Relly Arnedo, Bulacan police director, Kay Brig. Gen. Jose Hidalgo Jr., regional police director ng Gitnang Luzon, kinilala ang ang mga naarestong suspek na sina Elmer Groyon, Aries Inovero at Marlon Paguiligan.

Naaresto ang tatlong suspek sa isang buy-bust operation sa Barangay Tangos sa nasabing lungsod.

Nakumpiska sa kanila ang tinatayang 180 na gramo ng pinaghihinalaang shabu na nagkakahalaga ng P1,224,000, isang puting Toyota Vios at ang buy-bust money na nagkakahalaga ng P5,000.