Napakaswerte ng isang residente ng Meycauayan, Bulacan matapos niyang mapanalunan ang P49.5 milyon na jackpot prize sa Ultra Lotto 6/58 draw noong March 12.

Ang mga numerong nagpanalo sa kanya ay 13-30-10-22-02-15.

Ayon naman kay Melquiades Robles, General Manager at Vice Chairman of the Board ng Philippine Charity Sweepstakes Office (PCSO), 54 ang naitalang nakahula ng limang tamang numero at makatatanggap ang bawat isa sa kanila ng P120,000.

Dagdag pa niya, tig-P2,000 piso naman ang makukuha ng 2,252 na mga maswerteng nakahula ng apat na tamang numero, at tig-P100 naman ang matatanggap ng 30,904 na nakahula ng tatlong tamang numero.

Kailangan lamang iprisinta ang winning ticket at dalawang valid IDs sa main office ng PCSO sa lungsod ng Mandaluyong upang makuha ng Bulakenyong taga-Meycauayan ang kaniyang napanalunang premyo.

Ang 6/58 Ultra Lotto ay iginuguhit tuwing Martes, Biyernes at Linggo.

Photo: PCSO