Nagsagawa ng isang buy-bust operation ang pinagsanib na pwersa ng Philippine Drug Enforcement Agency (PDEA) Region 3 at Marilao Police laban kay Mary Grace Sison, 37 years old at residente ng Bagong Silang, Caloocan City.

Ayon sa report na inilabas ng PNP, inaresto si Sison sa harap ng Public Market Harmony Hills 2, Barangay Loma de Gato, Marilao, Bulacan.

Nakuha diumano sa kanya ang humigit kumulang 500 grams ng hinihinalang shabu na may street value umano na 3.4 milyong piso at marked money.

Ayon kay Brigadier General Valeriano de Leon, Regional Director ng PNP Region 3, ipagpapatuloy raw ng Central Luzon police ang kanilang mga operation para wakasan ang problema sa iligal na droga sa rehiyon.

Photo courtesy of PNP Region 3