| Contact Us

Valenzuela LGU, nagsawa ng benchmarking visit sa Taguig Center for Women

VALENZUELA CITY — Bilang bahagi ng kanilang pagsisikap na mapahusay ang serbisyong pangkalusugan sa lungsod, nagsagawa ng benchmarking visit ang City Government of Valenzuela sa Taguig Center for Women noong Miyerkules, ika-8 ng Abril. Pinangunahan ang aktibidad ni Mayor Wes Gatchalian, kasama ang mga kinatawan mula sa City Health Office (CHO) at City Social Welfare and Development Office (CSWDO). Layunin ng pagbisita na suriin at pag-aralan ang mga pamantayan at pinakamahusay na praktis na maaaring ipatupad sa Valenzuela, partikular sa epektibong pamamahala ng ospital, mga pasilidad para sa iba’t ibang serbisyong pangkalusugan, at mga espesyal na lugar tulad ng OB-GYN ward at milk bank para sa mga ina. Ayon sa pamahalaang lungsod, mahalaga ang naturang benchmarking activity upang higit pang mapabuti ang kalidad ng serbisyong medikal at matiyak ang maayos na pangangalaga sa mga pasyente. Binigyang-diin din ng lokal na pamahalaan na ang hakbang na ito ay sumasalamin sa kanilang patuloy na pangako na maghatid ng abot-kaya, inklusibo, at dekalidad na serbisyong pangkalusugan para sa bawat pamilyang Valenzuelano Inaasahan na magsisilbing gabay ang mga nakalap na impormasyon mula sa pagbisita sa pagpapatupad ng mga susunod na programang pangkalusugan at pagpapabuti ng mga pasilidad sa lungsod. 📷 Valenzuela City FB 3 days ago

239 trainees sa Pasig, tumanggap ng starter kits para sa kabuhayan

PASIG CITY — Tumanggap ng starter kits ang 239 graduate trainees ng Pasig City Skills Development Office noong Abril 8, 2026, bilang bahagi ng programa ng lungsod na naglalayong tulungan silang makapagsimula ng sariling kabuhayan. Layunin ng programa na hikayatin ang self-employment at palakasin ang kakayahan ng mga Pasigueño na kumita gamit ang kanilang natutunang kasanayan. Isinagawa ang distribusyon sa Pasig City Institute of Science and Technology - Manggahan Campus, kung saan ipinamahagi ang mga kagamitan na naaayon sa mga kursong kanilang tinapos noong nakaraang taon. Dumalo sa aktibidad si Mayor Vico Sotto at binigyang-diin ang kahalagahan ng skills training sa pagbibigay ng oportunidad sa mga residente. Bago mapili bilang benepisyaryo, inatasan ang mga kalahok na gumawa ng kani-kanilang business plan. Sa tulong ng kanilang mga trainer, napahusay ang mga ito hanggang sa maging karapat-dapat silang makatanggap ng kagamitan. Kabilang sa mga ipinamahagi ang welding tools tulad ng inverter welding machine at safety gear, pati na rin hairdressing kits na may kasamang mga gamit sa pag-aayos at paggupit ng buhok, depende sa kursong kanilang kinuha. 📷 Pasig LGU FB 3 days ago

Marikina, pinarangalan sa environmental compliance at clean-up efforts

Marikina City — Muling umani ng pagkilala ang Pamahalaang Lungsod ng Marikina matapos itong mapabilang sa mga nangungunang lokal na pamahalaan sa larangan ng pangangalaga sa kapaligiran, ayon sa Department of the Interior and Local Government - National Capital Region. Kabilang sa mga natanggap na parangal ng lungsod ang pagiging isa sa mga nanguna sa pambansang antas ng Manila BAYanihan Awards, gayundin ang pagkamit ng pinakamataas na pagkilala sa rehiyonal na pagsusuri ng Manila Bay Clean-Up Rehabilitation and Preservation Program (MBCRP) compliance audit. Ayon kay Mayor Maan Teodoro, ang tagumpay na ito ay hindi lamang bunga ng mga programa ng pamahalaan kundi resulta rin ng sama-samang pakikiisa ng iba’t ibang ahensya at ng mga residente ng lungsod. Dagdag pa ng alkalde, ang disiplina at aktibong partisipasyon ng mamamayan ang nagsisilbing pundasyon ng patuloy na pagsulong ng Marikina sa pagpapanatili ng kalinisan at kaayusan. Sa kabila ng mga pagkilalang natanggap, tiniyak ng lokal na pamahalaan na ipagpapatuloy nito ang mga hakbang upang mapanatili at higit pang mapabuti ang kalagayan ng kapaligiran sa lungsod. 📷 Marikina PIO FB 4 days ago

80,000 pamilya sa Maynila, tatanggap ng libreng bigas sa ilalim ng Biyayang Bigas sa Maynila

MANILA — Inaasahang makikinabang ang humigit-kumulang 80,000 pamilya sa lungsod sa ilalim ng inilunsad na programang “Biyayang Bigas sa Maynila,” na naglalayong magbigay ng karagdagang tulong sa mga residente sa gitna ng patuloy na hamon sa ekonomiya. Ayon kay Mayor Francisco "Isko Moreno" Domagoso, sisimulan ang distribusyon sa ika-16 ng Abril at tatagal ito ng anim na buwan. Bawat kwalipikadong benepisyaryo ay makatatanggap ng tig-10 kilo ng bigas bilang bahagi ng programa. Ipinaliwanag ng alkalde na hindi lamang mga tsuper o nasa sektor ng transportasyon ang saklaw ng inisyatiba, kundi pati iba pang manggagawa kabilang ang nasa service sector, upang mas marami ang matulungan. Isinusulong ang programa sa tulong ng Local Government Support Fund mula sa pambansang pamahalaan, kung saan kabilang ang Maynila sa mga lungsod na nabigyan ng pondo para sa implementasyon nito. Iginiit ng lokal na pamahalaan na ang programa ay bahagi ng mas malawak na hakbang upang maibsan ang epekto ng kasalukuyang krisis at matiyak ang sapat na suplay ng pagkain para sa mga pamilyang nangangailangan. 📷 Manila Public Information Office FB 4 days ago

QC gov’t, naghahanda ng mural festival para sa West Philippine Sea awareness

QUEZON CITY — Nagkaroon ng talakayan sa pagitan nina Quezon City Mayor Joy Belmonte, Philippine Coast Guard Commodore Nelson Timbang at Philippine Information Agency Director General Kat De Castro para talakayin ang planong paglulunsad ng isang mural festival na magbibigay-pugay sa West Philippine Sea. Layunin ng inisyatiba na maipahayag ang kahalagahan ng kasarinlan at mapalakas ang kamalayang pambansa sa pamamagitan ng sining. Inaasahang magsisilbing plataporma ang mural festival para maipakita ang suporta sa mga Pilipinong nagbabantay at umaasa sa yamang-dagat ng bansa. Samantala, bumisita rin kay Belmonte ang documentary filmmaker na si Baby Ruth Villarama para talakayin ang posibleng pakikibahagi sa mural festival at ang pagpapalawak ng kaalaman ng publiko hinggil sa sitwasyon sa West Philippine Sea. Si Villarama ang direktor ng dokumentaryong Food Delivery: Fresh from the West Philippine Sea, na naglalahad ng karanasan ng mga mangingisda, gayundin ng mga tauhan ng Navy at Coast Guard na nagbabantay sa nasabing karagatan. Sa ngayon, inaasahang ilalabas ng lokal na pamahalaan ang karagdagang detalye tungkol sa schedule at mekanismo ng mural festival sa mga susunod na linggo. 📷 Quezon City Government FB 5 days ago
MORE STORIES
Ilang rice retailers sa Caloocan tumanggap ng ayuda; Bishop David kinondena ang bagong kaso ng pagpatay
Kabilang ang ilang maliliit na rice retailers sa Maypajo public market sa Caloocan City sa unang batch ng mga tumanggap ng ayudang pinansyal na ipinag-utos ni Pangulong Bongbong Marcos para sa mga manininda na apektado ng ipinatupad na price ceiling sa bigas sa ilalim ng Executive Order (EO) 39. Pinangunahan ng Department of Social Welfare and Development (DSWD) ang September 9 distribution ng tig-15,000 cash na Sustainable Livelihood - Cash Assistance for Micro Rice Retailers sa mga qualified beneficiaries. Katuwang sa aktibidad ang Department of Interior and Local Government (DILG), Department of Trade and Industry (DTI), Department of Agriculture (DA) at ang lokal na pamahalaan ng Caloocan. Pinuri naman ni DILG Secretary Benhur Abalos ang Caloocan LGU dahil sa plano nito na bigyan ng diskwento sa renta sa public market ang mga rice retailers o kaya ay pansamantralang huwag muna silang singilin ng upa sa puweto. Ang naturang distribusyon ay bahagi ng simultaneous payout sa Maypajo, Commonwealth Market sa Quezon City, at Agora Market sa San Juan City. Samantala, kinondena ni Catholic Bishops' Conference of the Philippines (CBCP) president at Caloocan Bishop Pablo Virgilio David ang panibagong kaso ng pagpatay sa kaniyang pinagsisilbihang Diocese of Caloocan partikular sa lungsod ng Malabon. Sa kanyang Facebook post, inihayag ng lider-simbahan ang kanyang pagkadismaya sa pagkakapatay sa 20-anyos na si Daniel Gaudia Soria nitong Setyembre. “ANOTHER DUI (“death under investigation“) Whom will the citizens run to when no investigation is being done by those who are supposed to do the investigating? Who will do the investigating when the supposed investigators are those who need to be investigated?” sabi ni Bishop David. Photo: DSWD at Bishop Pablo Virgilio David FB Read more >> 2 years ago
Caloocan police at Meralco paiigtingin ang pagsugpo sa nakawan ng kawad ng kuryente
Nagkaisa ang Caloocan City Police Station at ang Meralco na paigtingin ang pagsugpo sa mga insidente ng pagnanakaw ng mga kawad ng kuryente sa lungsod. Ito ay kasunod ng isinagawang dayalogo ng pulisya ng lungsod sa pangunguna ni Col. Ruben Lacuesta, Chief of Police ng Caloocan at si Assistant Chief of Police Lt.Col. Enrique Torres at sa bahagi naman ng Meralco sa pangunguna ni Jeffry Cochon, Head ng Meralco Caloocan Business Center. Sa naturang dayalogo ay idinulog ng Meralco ang tungkol sa nakawan ng mga kawad ng kuryente sa lungsod, at ang pangangailangan sa police visibility. Ipinag-utos naman ni Col. Lacuesta ang pagpapalakas ng Ronda sa Barangay operations ng pulisya upang mapigil at masugpo ang pagnanakaw sa mga kawad ng kuryente at ang iba pang krimen sa lungsod. Nag-donate naman ang Meralco ng tatlong units ng computer sa Caloocan City Police bilang pantulong sa kanilang mga gawain. Photo: Caloocan City Police FB, One Meralco Foundation FB Read more >> 2 years ago
CBCP president at Caloocan Bishop David nais mapigilan ang red-tagging sa church groups
Target ng Catholic Bishops’ Conference of the Philippines (CBCP) na mapigilan ang mga insidente ng pag-redtag o pambibintang bilang kaalyado ng mga komunista sa mga organisasyong pang-simbahan kaya sila nakikipag-ugnayan sa National Task Force to End Local Communist Armed Conflict (NTF-ELCAC). Ito ang inihayag ni CBCP president at Caloocan Bishop Pablo Virgilio David kasabay ng paglilinaw niya na isang commission lang ng CBCP ang nakikipag-usap sa NTF-ELCAC at hindi ang buong grupo ng mga obispo. Aniya, “It’s not exactly CBCP as a conference but the Episcopal Commission of Public Affairs that is there as a private sector representative. As such, this Commission has access to the NTF-ELCAC ExeCom and more opportunity to express the Church’s specific concerns… to address some Church issues vis-a-vis government, including the issue about the red tagging of some cause-oriented groups and Church organizations by the said body.” (Hindi ang buong CBCP bagkus ay ang Episcopal Commission of Public Affairs lang ang naroon bilang private sector representative. Sa pamamagitan nito, ang komisyon ay mas makakapaghayag ng mga concerns ng simbahan… at maidudulog ang mga isyu sa pamahalaan kabilang ang pag-redtag ng NTF-ELCAC sa ilang cause-oriented groups at Church organizations). Ang CBCP aniya ay malaking network na may 31 Commissions, Committees at Offices, na may sari-sariling ministry, pastoral work at social advocacy. Ang Episcopal Commission on Public Affairs aniya na pinamumunuan nina Bishop Reynaldo Evangelista bilang chairman at CBCP Spokesman Fr. Jerome Secillano bilang executive secretary, ay may tungkuling makipag-ugnayan at makipagdayalogo sa mga ahensya ng pamahalaan tungkol sa ibat-ibang isyung panlipunan. Photo: CBCP Read more >> 2 years ago
Mga estudyante sa Caloocan may libreng gupit mula sa LGU
Makikinabang sa libreng gupit ng buhok ang mga estudyante sa Caloocan City mula sa kanilang lokal na pamahalaan sa pagbabalik nila sa eskwela ngayong schoolyear. Ayon sa LGU, ang naturang “free haircut program” ay sinimulan nitong Sabado, Agosto 26, at tatagal hanggang sa Setyembre 1. Sinabi ni Mayor Dale Gonzalo “Along” Malapitan na ang libreng gupit ay tulong ng pamahalaang lungsod para sa masiglang pagbabalik-eskwela ng mga estudyante. “Simulan natin ang bagong school year na presko ang isipan at pangangatawan! Kaya po bilang paghahanda, inaanyayahan ko po ang lahat ng Batang Kankaloo na dumalo sa ating inihandang ‘libreng gupit’ sa iba’t-ibang paaralan sa ating lungsod,” pahayag ng alkalde. Ikinasa na rin ng LGU ang iba’t-ibang hakbangin na tutulong sa pagtitiyak ng ligtas, maayos at produktibong pag-aaral ng mga estudyante tulad ng student assistance, public order at kaligtasan, pagmobilisa ng mga pulis at iba pang mga public safety units, at ang paglilinis sa bisinidad ng mga paaralan. Photo: Caloocan PIO Read more >> 2 years ago
Most wanted sa kasong rape, nahuli ng pulisya ng Caloocan
Naaresto sa ikinasang manhunt operation ng Caloocan City Police ang most wanted sa kasong rape sa lungsod nitong Agosto 23. Kinilala ng pulisya ang nahuing suspek na si Samuel Alojado Jr., 32 anyos, isang security guard, at kasalukuyang nakatira sa Barangay 88, Caloocan City. Nahaharap si Alojado sa kasong Rape under Art. 266-A, Acts of Lasciviousness, at wala itong piyansang inirekomenda. Samantala, sa isa pang operasyon na isinagawa ng Caloocan Police, tatlong lalaki ang nahuli habang naglalaro ng Cara y Cruz. Naaresto ang tatlong lalaki sa akto ng pagsusugal ng mga nagpapatrulyang pulis sa Barangay 144, Bagong Barrio, Caloocan City nitong Huwebes ng madaling araw. Kinilala ang mga nahuli na sina Robert Quiambao, 53; Rodel Grospe, 53; at Harvey Panday, 19. Nakumpiska mula sa mga naaresto ang dalawang daan at apatnapung piso na “bet money” na binubuo ng apat (4) na piraso ng 50 peso bill at walong piraso ng 5 peso coin, kasama ang tatlong (3) piraso ng one peso coin na ginamit sa nasabing laro. Kakasuhan sila ng paglabag sa PD 1602 o ilegal na pagsusugal. Photo: Caloocan City Police Station Read more >> 2 years ago
Kalusugan para sa Caloocan
Isang serye ng mga serbisyong pang-kalusugan para sa mga residente ng Caloocan ang inilunsad ngayong buong linggo ng lokal na pamahalaan. Ayon kay Mayor Dale “Along” Malapitan, ang mga aktibidad na ito ay pangunahing inihanda at ipinatupad ng Caloocan Health Department (CHD). Noong Agosto 18 ay idinaos nila ang Men's Congress na kinapapalooban ng iba't-ibang makabuluhang aktibidad at serbisyo upang mapangalagaan ang mental at pisikal na kalusugan ng mga kalalakihan. Para rito ay isinagawa ang awareness seminar tungkol sa prostate cancer, Human Immunodeficiency Virus (HIV) at Sexually Transmitted Infections (STI), gayundin ang tamang pamamahala ng emosyon na apektado ng galit at stress. Nagdaos din ng libreng HIV testing, counseling, diamond peel, hand paraffin, facial consultation, at cardio exercise. Una rito, bilang bahagi ng pag-obserba sa National Family Planning Month ngayong Agosto ay nagsagawa rin ang LGU ng Family Planning Caravan na kinatampukan ng mga libreng serbisyo tulad ng HIV testing, counseling, family planning orientation, motorcade, photo booth, at pamamahagi ng condom, contraceptive pills, at educational flyers. Nagsagawa rin ang Pamahalaang Lungsod ng breastmilk letting at donation activity na aktibong dinaluhan ng mga nanay sa lungsod. Itinuro sa aktibidad ang tamang pamamaraan ng breast feeding at breast pumping. Photo: Mayor Along Malapitan FB, Caloocan City PIO FB Read more >> 2 years ago
60 nakapiit sa Caloocan City Jail graduate na sa ALS
Ipinagmalaki ng lokal na pamahalaan ng Caloocan ang pagtatapos kamakailan sa Alternative Learning System (ALS) ng 60 persons deprived of liberty (PDL) na nasa Caloocan City Jail. Ayon kay Mayor Dale Gonzalo “Along” Malapitan, “Malugod ko pong binabati ang mga PDLs natin sa city jail na nagsipagtapos kamakailan sa ALS program ng ating lungsod. Isang magandang hakbang ito para sa pagsisimula ng bagong kabanata sa inyong buhay.” Bukod aniya sa pagiging oportunidad para makakumpleto pa rin ng pag-aaral ang mga hindi nakapagtapos ng edukasyon, ang ALS ay nagsisilbi ring bahagi ng kanilang Good Conduct Time Allowance (GCTA) upang mas mapabilis ang kanilang paglabas sa piitan at ang kanilang magiging pagbabagong-buhay at reintegrasyon sa lipunan. Dagdag pa ni Malapitan, “Maraming salamat po sa ating jail warden at iba pang jail officials sa pagsiguro na naipapatupad ang mga programang naglalayon na bigyan ng mas malawak na oportunidad ang ating mga PDLs.” “Ang Lungsod ng Caloocan po ay nananatiling nakatutok sa layunin nitong gawing ligtas ang ating mga mamamayan laban sa krimen, ngunit naniniwala rin ang ating pamahalaang lungsod na may mga taong kayang baguhin ang kanilang sarili kung mabibigyan ng tamang gabay at pagkakataon,” sabi pa ni Mayor Malapitan. Photo: Caloocan City PIO Read more >> 2 years ago
Bagong Caloocan City Hall – North nagsimula na ang konstruksyon
Pormal nang sinimulan ang pagtatayo ng bagong Caloocan City Hall – North. “Mas maganda, mas moderno, at mas malawak na espasyo at mga pasilidad ang magagamit ng ating mga kawani sa paghahatid ng aksyon at malasakit sa inyong mga pangangailangan,” sabi ni Mayor Dale Gonzalo “Along” Malapitan kasunod ng isinagawang groundbreaking ceremony para sa proyekto. “Sa loob lamang ng ilang taon, magkakaroon na ng katuparan ang ating pangako sa mga taga-north noong panahon ng kampanya,” dagdag niya. Sinabi pa ng alkalde na marami pang nakalinyang mga programa, proyekto at serbisyo na inihahanda ng LGU sa mga susunod na araw para sa kapakanan ng mga residente ng lungsod. Nakiisa sa groundbreaking ceremony sina City Vice Mayor Karina Teh, District 1 Representative Oscar “Oca” Malapitan, mga konsehal ng lungsod at mga opisyal ng mga departamento ng LGU. Una rito ay nag-abiso rin ang lokal na pamahalaan na pansamantalang inilipat sa ibang lokasyon ang mga tanggapan ng pamahalaang lungsod na nasa papalitang lumang city hall building. Nagbigay rin ng mensahe si Congressman Oca Malapitan kung saan inilahad niya na sa pagpapatayo ng bagong city hall ay mas maraming negosyo pa ang maaaring pumasok sa lungsod na makapagbibigay ng oportunidad at trabaho sa mga taga-Caloocan. Photo: Mayor Along Malapitan FB Read more >> 2 years ago
10 infra projects sabayang inilarga ng Caloocan LGU ngayong Agosto
Sampung proyektong pang-imprastraktura na direktang pakikinabangan ng libo-libong residente ng Caloocan ang sabay-sabay na inilunsad ng lokal na pamahalaan ngayong buwan ng Agosto. “Makikita natin na hindi pare-pareho ang pakay ng mga naitayo o sisimulan pa lang na proyekto. Merong para sa kalusugan, kaligtasan, at kahit para sa paglilibang ng mga Batang Kankaloo dahil hangarin po natin na lahat ng larangan, kaya nating bigyang prayoridad,” sabi ni Mayor Dale Gonzalo “Along” Malapitan. Ang mga proyektong ito ay kinabibilangan ng: dalawang health center sa Phase 3 at Phase 4 sa Barangay 176 Bagong Silang na napabendisyunan at na-turnover na; isa pang health center, bagong covered court at apat na street lighting projects sa Brgy. 175; covered court din at street lighting project sa Brgy. 178; at ang groundbreaking at pagsisimula ng paggawa ng Super Health Center sa Brgy. 28 sa pakikipagtulungan sa tanggapan ni Senator Bong Go at sa Department of Health (DOH), gayundin kina District 1 Cong. Oca Malapitan at District 2 Congw. Mitch Cajayon-Uy. Personal umanong pinangasiwaan ni Mayor Malapitan ang pagpapagawa ng lahat ng mga proyektong ito. Photo: Caloocan PIO Read more >> 2 years ago
Peligro ng leptospirosis ipinaalala sa mga residente ng Caloocan
Nagpaalala ang lokal na pamahalaan ng Caloocan sa mga residente ng lungsod hinggil sa peligro ng leptospirosis bunsod ng mga pag-ulan at pagbaha. Ayon kay Mayor Dale “Along” Malapitan, makabubuting sundin ng mga mamamayan ang inilabas ng Department of Health at Caloocan City Health Department na gabay sa pag-iwas sa naturang sakit, kabilang ang tamang pagtatapon ng basura; pag-iwas na lumusong, maglaro, o lumangoy sa tubig-baha; at pagpapanatili ng kalinisan sa bahay. Una rito ay iniulat ng DOH na mula Enero hanggang Hunyo ngayong taon ay mayroon na silang naitatalang 1,582 kaso ng leptospirosis sa buong bansa, na mas mataas ng 72 porsiyento kumpara sa datos noong 2022. Umabot na rin sa 161 ang namatay sa naturang sakit sa buong bansa hanggang Hunyo ngayong taon, kumpara sa 135 noong 2022. Noong 2018 ay nagdeklara ang DOH ng leptospirosis outbreak sa 28 barangay sa walong syudad sa Metro Manila kabilang ang Caloocan. Ang leptospirosis ay sakit na nakukuha mula sa bacteria na galing sa ihi ng daga na karaniwang humahalo sa tubig baha. Nakakapasok ito sa katawan ng tao sa pamamagitan ng sugat, mata, ilong at bibig. Photo: Mayor Along Malapitan FB Read more >> 2 years ago
First 1 … 11 12 13 14 15 16 17 18 19 20 21 22 23 24 25 26 27 28 29 30 31 Last
RECOMMENDED
Nation

RAGE Coalition, inilunsad sa panguguna ni Baste Duterte

4 hours ago
Entertainment

BINI dominates headlines as breakout stars of Coachella

1 day ago
Provinces

Baliwag LGU naglabas ng listahan ng mga pasyalan ngayong summer

3 days ago
Uncategorized

Major fuel price rollback set on April 14

3 days ago
Provinces

Apat na indibidwal, sumuko sa Malolos Police kaugnay ng insidente sa Plaza Torrez

4 days ago

MOST VIEWED

‘Project Binhi food security & cash for work scheme’ inilunsad ng DSWD at Caloocan
Mayor Malapitan inaugurates new College of Engineering at the University of Caloocan City
1 nasawi, 6 kritikal sa salpukan ng sasakyan sa Skyway sa Parañaque
Caloocan City naglabas ng cash assistance advisory
P136k halaga ng ‘shabu’ nasamsam sa Caloocan, livelihood training inilunsad sa komunidad, at 58 kabataan pasok sa trabaho
Pasig Candidate Ian Sia faces second COMELEC show-cause order over misogynistic remarks; Shamcey Supsup resigns from Team Kaya This

Terms and Conditions of Arkipelago News

Terms and Conditions
Last updated: March 14, 2026

Welcome to arkipelagonews.com. By accessing or using this website, you agree to comply with and be bound by the following Terms and Conditions. If you do not agree with these terms, please do not use our website.

1. Use of the Website
Arkipelago News provides news, articles, opinions, and other informational content for general information purposes only. By using this website, you agree to use it only for lawful purposes and in a way that does not infringe the rights of others.

You must not:

Use the website for unlawful purposes
Attempt to gain unauthorized access to the website or its servers
Distribute malicious software or harmful code
Copy, reproduce, or republish content without permission
2. Intellectual Property
All content published on arkipelagonews.com including articles, graphics, logos, and images is the property of Arkipelago News unless otherwise stated.

You may:

Share links to our articles
Quote small portions with proper credit
You may not:

Republish full articles without permission
Use our content for commercial purposes without authorization
3. User Comments and Submissions
Users may be allowed to post comments or submit content.

By posting content, you agree that:

Your content does not violate any laws
Your content is not defamatory, abusive, or harmful
You grant Arkipelago News the right to display and moderate your content
We reserve the right to remove comments or content at our discretion.

4. Accuracy of Information
While we strive to provide accurate and up-to-date information, Arkipelago News makes no guarantees regarding the completeness, accuracy, or reliability of any information published on this website.

Content may be updated, changed, or removed without notice.

5. External Links
Our website may contain links to third-party websites. We are not responsible for the content, privacy policies, or practices of these external websites.

6. Advertisement and Sponsored Content
Arkipelago News may display advertisements, sponsored content, or affiliate links. Sponsored content will be identified where applicable.

7. Limitation of Liability
Arkipelago News shall not be held liable for any direct or indirect damages resulting from the use of this website.

Users access the website at their own risk.

8. Changes to These Terms
We reserve the right to update or modify these Terms and Conditions at any time. Continued use of the website after changes are made constitutes acceptance of the updated terms.

9. Contact Information
If you have any questions about these Terms and Conditions, you may contact us through our website.

This will close in 0 seconds

Privacy Policy

Privacy Policy
Last updated: March 14, 2026

Arkipelago News respects your privacy and is committed to protecting your personal information. This Privacy Policy explains how we collect, use, and safeguard your information when you visit arkipelagonews.com.

1. Information We Collect
We may collect the following types of information:

Personal Information
When voluntarily provided by users, such as:

Name
Email address
Information submitted through contact forms or comments
Automatically Collected Information
When you visit the website, we may automatically collect:

IP address
Browser type
Device information
Pages visited
Date and time of visits
This information helps us improve the website and user experience.

2. Cookies
Arkipelago News uses cookies to improve website functionality and analyze traffic.

Cookies may be used to:

Remember user preferences
Analyze website usage
Deliver relevant advertisements
You can disable cookies through your browser settings.

3. Third-Party Services
We may use third-party services such as analytics tools, advertising networks, and embedded media.

These services may collect information in accordance with their own privacy policies.

Examples include:

Website analytics services
Advertising networks
Social media embeds
4. How We Use Your Information
We may use collected information to:

Improve website performance
Respond to inquiries
Monitor website usage
Prevent spam or abuse
Deliver advertisements and content
5. Data Protection
We take reasonable security measures to protect your personal information. However, no method of internet transmission is completely secure.

6. Children's Information
Arkipelago News does not knowingly collect personal information from children under the age of 13.

If you believe that a child has provided personal information on our website, please contact us and we will remove it promptly.

7. Your Privacy Rights
Depending on your location, you may have rights regarding your personal data, including requesting access, correction, or deletion of your information.

8. Changes to This Privacy Policy
We may update this Privacy Policy from time to time. Changes will be posted on this page with an updated revision date.

9. Contact Us
If you have any questions about this Privacy Policy, you may contact us through our website.

This will close in 0 seconds