Provinces – Page 71 – Arkipelago News

Tulong para sa senior citizens, umabot sa Barangay San Miguel

CALUMPIT, BULACAN — Nakatanggap ng tulong ang mga senior citizen sa Barangay San Miguel bilang bahagi ng programang “Serbisyong Mula sa Puso” ng lokal na pamahalaan. Pinangunahan ito ni Mayor Lemuel “Lem” Faustino, na naglalayong maiparamdam ang malasakit at pagkalinga sa mga nakatatanda sa komunidad. Layon ng programa na kilalanin ang mahalagang papel ng senior citizens sa lipunan sa pamamagitan ng pagbibigay ng munting tulong. Namahagi ng assistance packages sa mga benepisyaryo sa naturang barangay, habang inaasahang magpapatuloy ang rollout ng programa sa iba pang lugar sa Calumpit. Sinabi ng lokal na pamahalaan na bahagi ito ng kanilang adbokasiya para sa inklusibong serbisyo publiko, kung saan tinitiyak na hindi napapabayaan ang kapakanan ng mga nakatatanda sa komunidad. 📷 Lem Faustino FB 3 weeks ago

Serbisyo Caravan inilapit sa Barangay San Juan sa Balagtas

BALAGTAS, BULACAN — Mas pinalapit sa mga residente ng Barangay San Juan ang iba’t ibang serbisyo ng lokal na pamahalaan sa pamamagitan ng paglulunsad ng “Bagong Balagtas Serbisyo Caravan.” Layunin ng inisyatiba na gawing mas accessible ang mga serbisyong pampubliko sa pamamagitan ng direktang pagdadala nito sa mga komunidad, upang mas maraming mamamayan ang makinabang nang hindi na kinakailangang lumayo. Tampok sa caravan ang iba’t ibang programa at tulong mula sa pamahalaang bayan na nakatuon sa pang-araw-araw na pangangailangan ng mga residente. Binigyang-diin din ng lokal na pamahalaan na mahalaga ang pagtutulungan at pagkakaisa ng mga mamamayan upang patuloy na umunlad ang Balagtas. Inaasahan na magpapatuloy ang ganitong uri ng outreach activities sa iba pang barangay bilang bahagi ng layunin ng pamahalaan na mailapit ang serbisyo sa bawat Balagtaseño. 📷 Mayor Andrews "Andy" Santiago FB 3 weeks ago

₱150-M halaga ng smuggled cigarettes nasabat sa Bulacan; 19 katao arestado

BALIWAG, Bulacan — Nasa 19 katao ang naaresto matapos madiskubre ng mga awtoridad ang umano’y malawakang operasyon ng smuggled cigarettes na nagkakahalaga ng mahigit ₱150 milyon sa Brgy. Tarcan nitong Abril 14. Sa ulat ng Philippine National Police, naaktuhan ng mga operatiba ang paglilipat ng libo-libong kahon ng sigarilyo mula sa container vans papunta sa mas maliliit na trak na gagamitin sana sa distribusyon. Tinatayang mahigit 2,000 kahon ang nasamsam sa isinagawang operasyon. Lumalabas sa imbestigasyon na walang kaukulang tax stamps mula sa Bureau of Internal Revenue ang mga nasabing produkto—isang malinaw na indikasyon ng iligal na pagpasok at pagbebenta nito sa merkado. Nasabat din ng pulisya ang anim na sasakyan na pinaniniwalaang ginagamit sa transportasyon ng kontrabando. Kasalukuyang nasa kustodiya ng pulisya ang mga suspek at ebidensya habang isinasagawa ang mas malalim na imbestigasyon upang matunton ang iba pang sangkot sa operasyon. 📷 Bulacan Police Provincial Office 1 month ago

Bangus fingerlings ipinamahagi sa mga fishpond operators sa Marilao

MARILAO, Bulacan — Tumanggap ng bangus fingerlings ang mga fishpond operators mula sa Marilao na lumahok sa isinagawang 1-day Training on Aquaculture Production Technologies 2026 nitong ika-15 ng Abril sa Barangay Ubihan. Pinangunahan ang aktibidad ng Bulacan Provincial Agriculture Office katuwang ang Municipal Agriculture Office, bilang bahagi ng patuloy na programa para palakasin ang produksyon at kabuhayan sa sektor ng aquaculture. Bukod sa pamamahagi ng fingerlings, sumailalim din ang mga kalahok sa pagsasanay hinggil sa makabagong teknolohiya at tamang pamamahala ng fishpond upang mapataas ang ani at kita. Layunin ng programa na suportahan ang mga lokal na mangingisda at fishpond operators sa pamamagitan ng kaalaman at sapat na resources upang maging mas produktibo at sustainable ang kanilang kabuhayan. Inaasahan na makatutulong ang naturang inisyatiba sa pagpapalakas ng industriya ng pangingisda sa Bulacan at sa pagpapabuti ng suplay ng isda sa lokal na merkado. 📷 MarileNews FB 1 month ago

Marilao LGU, pinaigting ang kampanyang ‘Anti-Epal’ sa Task Force Baklas

MARILAO, BULACAN — Nagsagawa ng malawakang operasyon ang Pamahalaang Bayan ng Marilao sa ilalim ng Task Force Baklas upang ipatupad ang kautusan laban sa mga materyales na may pangalan at larawan ng mga politiko. Ang hakbang ay alinsunod sa Department of the Interior and Local Government Memorandum Circular No. 2026-006 na may kaugnayan sa Anti-Epal campaign, na naglalayong alisin ang mga hindi awtorisadong tarpaulin at signage sa mga pampublikong lugar. Layunin din ng inisyatibo na mapanatili ang kaayusan sa mga pampublikong lugar at matiyak ang pagsunod sa mga regulasyon laban sa maagang pangangampanya at personal na pagpapakilala ng mga politiko gamit ang mga pampublikong espasyo. Sa pangunguna ni Marilao Mayor Jem Sy, isinagawa ang pagtanggal ng mga materyales sa iba’t ibang barangay noong ika-13 ng Abril, kabilang ang mga nakakabit sa puno at iba pang hindi angkop na lokasyon. Nakiisa rin sa operasyon ang kinatawan ng alkalde na si Special Assistant Ronnie Mendoza, kasama si Special Assistant for Traffic Management Rodel Policarpio, ang Philippine National Police Marilao, at iba pang tanggapan ng lokal na pamahalaan. 📷 MarileNews FB 1 month ago

MORE STORIES

NLEX nagdagdag ng mga CCTV cameras

2 years ago

Bustos Dam nagpakawala na ng tubig irigasyon

2 years ago

Posibleng medicinal cannabis production facility sa Guiguinto, Bulacan binisita

Binisita ng mga stakeholders noong June 14 ang isa sa posibleng pasilidad para sa pagproseso ng medicinal cannabis kapag ito ay naisabatas na. Kabilang sa mga bumisita sa pasilidad ng Bauertek Corp. sa bayan na ito ay si Congressman Robert Ace Barbers, chairperson ng House Committee on Dangerous Drugs, Asec. Randy Pedroso, director ng Philippine Drug Enforcement Agency Laboratory; Philippine Institute of Traditional and Alternative Health Care director general Dr. Annabelle Pabiona de Guzman; mga kinatawan ng Indian Embassy, at mga opisyal ng Indian Ministry of Ayush na responsable naman sa developing education, research at propagation ng traditional medicines system. Kinumpirma ni Barbers na patuloy ang kanilang committee sa pagdinig tungkol sa panukalang medicinal canabis at nakagawa na sila ng technical working group na makakapagbigay sa kanila ng mga position papers ng ibat-ibang ahensya para makapagbigay sa kanila ng gabay bago nila gawing final ang kanilang proposed legislation. Aniya, kapag tuluyang naipasa ang nasabing panukala at naisabatas na ito, mangangailangan ng istriktong pagpapatupad ng mga regulasyon para sa produksiyon ng medicinal cannabis. Ipinaliwanag pa ni Barbers na dalawa ang inihain na panukalang bataspara sa paggamit ng cannabis: ang isa ay para sa medicinal use na nasa ilalim ngayon ng House Committee on Health at ang panukalang delisting o decriminalizing ng cannabis na nasa ilalim naman ng House Committee on Dangerous Drugs. Ayon pa kay Barbers, ipinanukala rin niya na ang dalawang nabanggit na komite ay gumawa na lamang ng isang cannabis bill para mas madali aniyang maipaliwanag sa mga kapwa nila mambabatas ang kahalagahan nito at maipasa ang nasabing panukalang batas. Sinabi naman ni Richard Nixon Gomez, isang scientist, inventor at general manager ng Bauertek Corp., na ang kanilang pasilidad ay aprubado ng Food and Drugs Administration o FDA at may isolation and extraction capabilities para mag-manufacture ng mga gamot, supplements at cosmetics para sa medical cannabis. Samantala, umaasa naman ang mga stakeholders na maipapasa ng Kongreso sa malapit na hinaharap ang panukalang batas para sa pagggamit ng medicinal cannabis sa bansa. Read more >> 2 years ago

Simbahan ng Barasoain, pundasyon ng himagsikan

Hindi lamang karugtong ng himagsikan, bagkus ay pundasyon ng himagsikan ang Simbahan ng Barasoain sa Malolos ayon kay Supreme Court Chief Justice Alexander Gesmundo. Dagdag pa niya, may mahalagang papel na ginampanan ang simbahan dahil doon nabuo ang unang Konstitution ng ating bansa na tinaguriang Malolos Constitution na siyang ginamit ng unang republika ng ating bansa at kinilala bilang Republika ng Malolos. Naging saksi aniya ang simbahan sa hangaring palayain ang ating bansa mula sa mahigit tatlong daang taon ng pananakop ng mga Kastila. Ipinaliwanag ang mga ito ng Punong Mahistrado sa pagdiriwang ng ika-125 na anibersaryo ng Proklamasyon ng Kalayaan ng Pilipinas sa makasaysayang bakuran ng Simbahan ng Barasoain sa Lungsod ng Malolos. Binigyang diin din ni Gesmundo na may kapangyarihan ang hudikatura na bantayan ang kalayaan at tiyakin na napapangalagaan ang mga biyaya nito para sa mga mamamayan, lipunan at bansa. Kaya naman upang mas epektibong maipatupad ito, inilahad ni Gesmundo na ang binuong Strategic Plan for Judicial Innovation ang magiging ambag ng Kataastaasang Hukuman para sa pagpapanatili ng kalayaan sa pamamagitan ng mabilis na paghahatid ng hustisya. Ayon naman kay Bulacan Governor Daniel Fernando, ang daloy ng panahon ang nagdala sa atin sa mahalagang araw na ito kasabay ng lahat sa bawat sulok ng bansa. Dinadakila natin ang watawat ng republika upang ipahayag sa mundo ang ating kasarinlan bilang isang bansa. Idinagdag pa ng gobernador na dahil sa tinatamasa nating biyaya, ang bawat isa sa atin ay puno ng pasasalamat sa mga bayaning nagbuwis ng buhay upang makamtan natin ang kalayaan. Kasama nina Chief Justice Gesmundo at Gov. Fernando sa nasabing okasyon ang iba pang opisyal tulad nina Vice Gov. Alex Castro, Malolos Mayor Christian Natividad, Congressman Ambrosio "Boy" Cruz, Congressman Danny Domingo, Congressman Salvador Pleyto, Rosario Sapitan ng National Historical Commission of the Philippines, Central Luzon Regional Director Brig. Gen. Jose S. Hidalgo Jr., at Bulacan provincial Director Col. Relly Arnedo. Photo: Wikimedia Commons Read more >> 2 years ago

Anim na taong gulang na bata nalunod sa San Jose del Monte

2 years ago

Bodega ng fireworks na sumabog hindi lisensyado

2 years ago

19 sugatan sa sumabog na bodega ng paputok sa Bocaue

2 years ago

15 arestado sa ilegal na karera ng motorsiklo sa Bocaue

2 years ago

P1M halaga ng marijuana nakumpiska sa Malolos, 3 arestado

2 years ago

Dr. Yanga’s Colleges Inc. nakagawa ng mga nursing board topnotcher

2 years ago